Plantun de Prouvènço

Pèr coumpara dos planto d'encò nostre

Cuscuta approximata & Coincya monensis subsp. cheiranthos

Péu-de-lin(-di-sepalo-lusènto)

Cuscuta approximata

Convolvulaceae

Àutri noum : Péu-de-lin, Péu-de-damo, Rasco, Barbo-de-mouine, Cuscuto.

Nom en français : Cuscute approximative.

Descripcioun :
Lou péu-de-lin-di-sepalo-lusènto, pulèu rare, douno d'èr à Cuscuta epithymum, pamens la planto èi pu forto amé de flour blanco. Se n'en destrìo subretout que si sepalo soun lusènto e ounte se vèi de costo reticulado (fotò); la subsp. de Prouvènço ié dison approximata.

Usanço :
Li péu-de-lin soun pas acampa au nostre. Caupon un glucoside, la cuscutino, qu'ajudo à caga e à secreta la bilo. La cuscuto de Chino, Cuscuta sinensis, èi vertuouso contro li proublèmo de proustato e d'ourmono encò lis ome o li femo. Se chabis en gelulo dins lou coumèrci. Tant se poudrié que siegue parié pèr li nostre.

Port : Erbo
Taio : 10 à 30 cm
Fueio : ges
Tipe bioulougico : Teroufite
Cicle bioulougico : Planto de l'an

Gènre : Cuscuta
Famiho : Convolvulaceae

Ordre : Solanales

Coulour de la flour : Blanco
Petalo : 5
Ø (o loungour) enflourejado : 5 à 9 mm
Flourido : Printèms - Estiéu

Sòu : Ca
Autour basso e auto : 0 à 1200 m
Aparado : Noun
Mai à juliet

Liò : Tepiero seco - Relarg à jóuinis aubret
Estànci : Subremediterran à Mountagnard
Couroulougi : Paleoutemperado
Ref. sc. : Cuscuta approximata Bab., 1844

Caulet(-garanié)

Coincya monensis subsp. cheiranthos

Brassicaceae Cruciferae

Nom en français : Chou giroflée.

Descripcioun :
Poulit caulet que pòu faire fin qu'à un mètre d'aut. Trachis sus li paret e lis esboudèu di colo prouvençalo sus sòu séusous. Li fueio, proun descoupado soun en rouseto, alor que li tijo soun ramificado. Fai de flour jauno raiado e de boudousco pulèu longo. Lou gènre Coincya se destrìo de Brassica que fai de valvo di tres costo.

Usanço :
Couneissèn pas d'usanço particuliero pèr aquelo planto. Pamens, estènt un caulet, devrié èstre manjadis. Escriéure au site se n'en sabès mai.

Port : Erbo
Taio : 20 à 70 (100) cm
Fueio : rouseto
Tipe bioulougico : Emicriptoufite
Cicle bioulougico : Planto renadivo

Gènre : Coincya
Famiho : Brassicaceae
Famiho classico : Cruciferae

Ordre : Brassicales

Coulour de la flour : Jauno
Petalo : 4
Ø (o loungour) flour : 5 à 6 cm
Flourido : Printems - Estiéu

Sòu : Si
Autour basso e auto : 0 à 2200 m
Aparado : Noun
Mai à avoust

Liò : Paret - Esboudèu - Roucas - Champ
Estànci : Termoumediterran à Aupen
Couroulougi : Ouroufito-Éuroupenco
Ref. sc. : Coincya monensis subsp. cheiranthos (Vill.) Aedo, Leadlay & Muñoz Garm., 1993

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Cuscuta approximata & Coincya monensis subsp. cheiranthos

ges

Coumpara Péu-de-lin(-di-sepalo-lusènto) emé uno autro planto

Coumpara Caulet(-garanié) emé uno autro planto